Нижер мурад - ножое щвезе кумек гьабизе
Аллагьасул бищун т1адег1анаб шапакъат

Академиялъул х1акъалъулъ

Онлайн ц1али къоялдаса-къоялде машгьурлъулеб буго, щайгурелъул г1олилаз эркенаб заман Интернеталъул сеталда жаниб т1обит1улеб бугелъул. Лъай кьеялъул ц1иял технологиязги ва заманалъул ц1ик1к1улеб къиматалъги онлайн ц1али къвариг1аблъун ва квег1енаблъун гьабулеб буго. Жакъа сеталдасан щвезе бегьула г1араб мац1 ва Къур’ан лъазабиялъе рекъарал т1ахьал, ва гьединго аудио ва видео лекциябазухъ г1енеккизе бегьула. Амма лъай кьей - муг1алимасдаги ц1алдохъанасдаги гьоркьоб цоял-цояздехун бугеб рухьенлъунги ккола, гьесда бич1ч1араб яги бич1ч1ич1еб жо лъазе, ва кин гьесда бич1ч1араб ва бит1унищ бич1ч1араб... Къур’аналъул Академия - онлайн лъай кьеялъул сфераялда г1адатияб гуреб халкъазда гьоркьосеб проект буго, ва гьениб, ц1иял лъай кьеялъул технологиябиги х1алт1изарун, к1везе буго дуда г1араб мац1 ва Къур’ан лъазе гьабизе. Проекталда г1ахьаллъарал чаг1игун, Къур’ан ва г1араб мац1 лъалел г1адамалгун, ц1алдохъабигун ва г1елму т1алаб гьабулелгун гара-ч1вариялъ ва гьездехун бугеб рухьеналъ рес кьезе буго дуе Хирияб Къур’аналъул х1акъалъулъ камилаб лъай щвезе ва г1елму бигьаго бич1ч1изе ва рак1алда ч1езабизе.

Муг1алимзабазе, умумузе, г1елму т1ибит1изабулезе ва диналде ах1улезе

Муг1алимзабазе нижеца х1адур гьаруна, щибав ц1алдохъанасул х1асилалъухъ хал гьабизе ва гьев бит1араб нухалде ккезе гьавизе дуе рес кьолеб квег1енаб ва мунпаг1атаб лъай кьеялъул низам. Нижер алатазул квербакъиялдалъун дуца т1ок1 гьабила ц1акъ г1емераб заман! Гьеб гуребги, дур кверщелалда гъоркь бук1ила, Къур’аналъул х1афизаз х1адур гьарурал материалазул к1удияб библиотека. Умумузе Академиялъ кьолел руго бат1и-бат1ияб г1умру ва х1адурлъиялъул даража бугел лъималазе г1емерал онлайн-дарсал. Ц1акъ к1удияб кири бук1ила жидер лъимал бит1араб нух ккурал бусурбабилъун рахъарал умумузе. Лъималазе лъай кьезе ккола гьит1инаб къоялдасанго, гьез ц1ияб информация хехго босулеб заманалда. Диналде ах1улезе ва г1илму-лъай т1ибит1изабулезе Къур’аналъул Академиялда рес буго г1иц1го ц1алдезе ва лъай кьезе гуреб, гьединго щвараб лъай цогидалгун бикьизе, цебехун кьезе ва гьединан жиндирго областалда унго-унгояв экспертлъун лъугьинеги.

Командаялъул х1акъалъулъ

Къур’аналъул Академия - гьеб буго к1удияб халкъазда гьоркьосеб проект, гьединлъидал нижее къвариг1ун буго нужер кумек. Ниж - кинабго дуниялалдаса халкъазда гьоркьосеб команда буго. Сайт макъалабаздалъун ц1езе гьаби, дуниялалъул бат1и-бат1иял мац1азде таржама гьаби, Интернет сеталда жаниб Академия цебет1езаби, программирование гьаби, верстка гьаби, дизайн ва цогидал ножода махщалида гьаризе лъалел х1алт1аби, нужохъ балагьун ч1ун руго. Академиялъул проекталъе кумек гьабулаго, дуе щвезе буго г1орхъи гьеч1еб кири - щайгурелъул дур квербакъиялдалъун мунпаг1атаб г1илму-лъай босизе буго кинабго дуниялалда чанго миллион г1адамас! Гьеб гуребги, нижеда цадахъ х1алт1улаго, ц1акъал х1алт1абаздалъун дуца ц1езабула дурго портфолио, дуе къиматаб х1албихьи щвела ва интересал чаг1игун лъай-хъвай ккела.

Ахирисел баяназда рекъон г1араб мац1 дуниялалда бищун т1ирит1арал щуго мац1азул цояблъун ккола, гьеб мац1алда к1алъала 240 миллион чи ва гьеб рик1к1ен къоялдаса къоялде ц1ик1к1унеб буго. Гьеб гуребги, г1араб мац1 жиндир гьаракь-бакъан рекъараб, жибго берцинаб, г1ажаибго къокъал раг1абаздалъун гъваридал маг1наби кьолеб ва гьебго заманаялда бич1ч1изе бигьаяб мац1лъун ккола. К1иго г1арабиязул раг1удалъун сипат-сурат гьабизе бегьула гьебго мурадгун г1урус мац1алда т1убараб жумла хъвазе кколеб мехалда. Г1араб мац1 ч1обого лъазабизе бегьула аск1ол ругел мажгитазда - гьезул чангоязда бусурбабазе кьола г1араб мац1 малъиялъул дарсал. Диналдасан мун рик1к1ад ватани, амма кин бугониги мац1 лъазе гьабизе гъира батани, мун ц1алдезе бегьула кидаго ачихъаб интернеталда х1алт1улеб Къур’аналъул Академиялда. Г1араб мац1 лъазабизе байбихьулезе бугеб даража - гьеб буго г1араб алипба лъазе гьаби ва рак1алда ч1езаби, таджвидалъул къаг1идабазда рекъон х1арпал аби. Гьоркьосеб даража - раг1аби ва нах1ви лъазе гьаби, амма цебет1ураб - камилаб ц1али ва таржама гьаби буго. Чанго Къур’аналда хурхараб г1араб мац1алъул дарс лъазе гьабурабго, дуда к1везе буго Къур’аналъул суратал ц1ализе ва гьезул маг1набиги рич1ч1изе.

Къиматияб жоялдалъун кумек гьаби

Къиматияб жоги кьун кумек гьабизе
Сумма пожертвование
Ваше имя

Гьаб т1амачалда хурхарал комментариял


Гьаб т1амач х1алт1иялда яги гьалда жаниб бугеб жоялда хурхараб пикруялъул бицизе дур гъира бугищ? Мун вук1а т1оцесев чилъун, гара-ч1вари гьабулев.

 На этой странице есть ошибка
 Я хочу обсудить эту страницу