00:00 / 00:00
Сурат 91, (Шшамси)
Аллагьасул ц1аралдалъун,
Жиндир гурх1ел г1ат1идав,
Жиндир гурх1ел даимав
Гьедула бакъалдалъун
ва гьелъул радалисеб кунч1иялдалъун
Ва моц1алдалъунги,
жиб гьеб (бакъуда) хадуб унаго.
Ва къоялдалъунги,
жинца гьеб (бакъ) загьирлъизе гьабулеб г1ужалда.
Ва сордоялдалъунги,
жинца гьеб (бакъ) бахчизабулеб г1ужалда.
Ва ц1обалдалъунги,
ва гьеб бараб куцалдалъунги (ва гьеб барав Аллагьасдалъунги)!
Ва ракьалдалъунги,
ва гьеб т1ибит1изабураб куцалдалъунги (ва гьеб т1ибит1изабурав Аллагьасдалъунги)
Ва нафсалдалъунги,
ва гьеб г1уц1иялдалъунги (ва гьеб г1уц1арав Аллагьасдалъунги)
Гьелъие баян гьабуна
(кин) гьеб мунагьазде кколеб
ва (кин Аллагьасукьа) х1инкъизе кколебали.
Х1акълъунго,
бергьенлъи босана
гьеб бац1ц1ад гьабурав чияс
ва х1акълъунго,
зарал ккана
гьеб бахчизабурав чиясе.
Гьереси гьавуна (авараг)
самудияз
жидерго зулмуялдалъун
Гьале т1аде вахъана
гьезда гьоркьов бищун талих1 къосарав
Ва абуна
гьезда
илчияс
Аллагьасул
«(Зарал гьабуге) вараниялъе
Аллагьасул
ва гьелъ гьекъолеб лъималъе!»
Амма гьев гьереси гьавуна
ва хъуна гьеб (варани),
цинги гьел гьалак гьаруна
гьезул Бет1ергьанас
гьезул мунагь (сабаблъун)
ва (г1азаб) киназего бащадго щвана.
ва (Гьев) х1инкъуларо
гьелъул х1асилалдаса.
Гьаб т1амачалда хурхарал комментариял
Гьаб т1амач х1алт1иялда яги гьалда жаниб бугеб жоялда хурхараб пикруялъул бицизе дур гъира бугищ? Мун вук1а т1оцесев чилъун, гара-ч1вари гьабулев.